Test of English as a Foreign Language (TOEFL) – ағылшын тілін шет тілі ретінде білуді сынауға арналған стандартталған тест. TOEFL тестінің негізгі мақсаты – ағылшын тілі ана тілі емес адамдардың дайындық деңгейін бағалау. TOEFL нәтижелерін көрсету Америка Құрама Штаттарындағы 2400-ден астам колледждер мен университеттерге оқуға түсудің міндетті шарты болып табылады. Сонымен қатар, TOEFL ағылшын тілінде оқытылатын мекемелердегі тағылымдама бағдарламаларына қатысу үшін қажет. Кейбір ғылыми және кәсіби сертификаттау бағдарламалары да үміткерлерден TOEFL нәтижелерін талап етеді.
2008 жылдан бастап тестті онлайн режимінде (TOEFL iBT) өтуге болады. Тест төрт бөлімнен тұрады: Reading (оқу), Listening (ақпаратты тыңдау), Speaking (сөйлеу) и Writing (жазу). Тесттің барлық бөлімдерін тапсыруға мониторы бар дербес компьютер, QWERTY -пернетақтасы мен тінтуірі және аудио гарнитура керек.
Тестілеу кезінде үміткерлерге келесі дағдылардың жиынтығы қажет:
- оқу, тыңдау, содан кейін сұрақтарға ауызша жауап беру;
- сұрақтарды тыңдап, ауызша жауап беру;
- оқу, тыңдау, содан кейін сұрақтарға жазбаша жауап бер.
Тест құрамы
Тесттің ұзақтығы – шамамен 4 сағат.
| Бөлім | Берілетін уақыт | Сұрақтар саны | Тапсырма |
|---|---|---|---|
| Оқу | 60-80 минут | 36-56 сұрақ | Мәтіндерден 3 немесе 4 үзінді оқып, сұрақтарға жауап беру. |
| Тыңдау | 60-90 мин. | 34-51 сұрақ | Дәрістерді, аудиториядағы пікірталастарды немесе әңгімелерді тыңдап, сұрақтарға жауап беру. |
| Үзіліс | 10 минут | — | — |
| Сөйлеу | 20 минут | 6 тапсырма | Белгілі тақырып бойынша пікір білдіру; оқылған және тыңдалған тапсырмалар негізінде сөйлеу. |
| Жазу | 50 минут | 2 тапсырма | Оқылған және естіген тапсырмалар негізінде эссе жауабын жазыңыз; пікірді жазбаша түрде қолдау. |
Тестте Reading және Listening бөлімдері бойынша ескерілмейтін қосымша сұрақтар болуы мүмкін.
Нәтижелері
| Бөлім | Ұпайлық шкала |
|---|---|
| Reading | 0-30, 1 ұпайлық қадаммен санағанда |
| Listening | 0-30, 1 ұпайлық қадаммен санағанда |
| Speaking | 0-30, 1 ұпайлық қадаммен санағанда |
| Writing | 0-30, 1 ұпайлық қадаммен санағанда |
TOEFL тестінің нәтижесі тапсырғаннан кейін 2 жыл бойы жарамды болады.
Тесттің құны шамамен 180 АҚШ долларын құрайды (салықтар мен комиссияларды қоспағанда).
